मागे वळून पाहताना

तू तुझ्या मखमली रस्त्याने जा… मी माझ्या निवडलेल्या काटेरी वाटेने जाईन… तुझ्या कोमल आठवणींची सावली पुरेशी आहे मला, या वेदनांच्या रस्त्यावर चालताना… आनंदात तू तुझ्या सोबतीसोबत हसत रहा, तिथे माझी गरज नाही… पण संकटाच्या अंधारात, फक्त एकदा माझं नाव घे… मी कुठेही असलो तरी, सगळं सोडून येईन… आणि शांतपणे उभा राहीन तुझ्या पाठीशी… काही करू शकलो नाही तरी, तुझ्या दुःखात नक्कीच सोबत उभा राहीन… प्रश्न विचारणार नाही, कारण तुझं दुःखच माझं उत्तर असेल…